კითხვა-პასუხი

რეგისტრაციის გასავლელად უნდა შებრძანდეთ ბმულზე https://ebg.ge/signup და შეავსოთ მოცემული ველები.

თუ რეგისტრირდებით, როგორც ფიზიკური პირი, საჭირო იქნება მიუთითოთ: სახელი, გვარი, მობილური ტელეფონის ნომერი, ელ. ფოსტა და პაროლი, რასაც შემდგომ პროფილში შესასვლელად გამოიყენებთ.

თუ რეგისტრაციას იურიდიული პირის/კომპანიის სახელით გადიხართ, უნდა მიუთითოთ: ორგანიზაციულ სამართლებრივი ფორმა, საფირმო დასახელება, საიდენტიფიკაციო კოდი, ტელეფონის ნომერი, ელ. ფოსტა და პაროლი, რასაც შემდგომში პროფილში შესასვლელად გამოიყენებთ.

https://ebg.ge/signup

რეგისტრაციის დროს მითითებული ტელეფონის და პირადი 11-ნიშნა ნომერი გამოიყენება მომხმარებლის იდენტიფიცირებისთვის, არის უნიკალური და იმავე ნომრით ვერ შეძლებთ სხვა პროფილის შექმნას.

ვის არ შეუძლია დარეგისტრირდეს ჩვენს საიტზე:
იბიჯის წესების თანახმად, არასრულწლოვან პირს არ შეუძლია ისარგებლოს ჩვენი სერვისით, რაც განპირობებულია უსაფრთხოებისა და დაცულობის უზრუნველყოფის მიზნით.
ასევე ჩვენს საიტზე ვერ დარეგისტრირდება უცხო ქვეყნის მოქალაქე, რომელიც საქართველოში არ იმყოფება ბინადრობის ნებართვით.

თუ გსურთ მონაცემების დარედაქტირება, უნდა მოგვწეროთ საიტის მეშვეობით ავტორიზაციის გავლის შემდგომ. ჩვენი ოპერატორები დაგეხმარებიან მონაცემების ცვლილებაში.

დარედაქტირებამდე აუცილებლად უნდა გადამოწმდეს, ელოდებით თუ არა ამანათის ჩამოსვლას. მონაცემები დარედაქტირდება იმ შემთხვევაში, თუ გამოწერილი ამანათები უკლებლივ ყველა უკვე მიღებული გაქვთ.

არასრულწლოვნის ექაუნთი შესაძლოა დარედაქტირდეს მისი კანონიერი მეურვის სახელზე. ამისთვის საჭიროა ავტორიზაციის გავლის შემდგომ მოგვწეროთ საიტის ჩათიდან, ხოლო შეტყობინებას თან დაურთოთ გამომწერის დაბადების მოწმობა და მშობლის/მეურვის პირადობის მოწმობის სურათი.

სანამ შეკვეთას განათავსებთ, საჭიროა რეგისტრირებული იყოთ საიტზე და პროფილის ბალანსზე გქონდეთ ღირებულების დასაფარად საკმარისი თანხა.

ჩასარიცხი აპარატის პირველი გვერდიდან უნდა გადახვიდეთ ამანათების განყოფილებაში, სადაც იპოვით ჩვენი საიტის ლოგოს, ხოლო დაჭერის შემდგომ უნდა მიუთითოთ თქვენი ტელეფონის ნომერი, რითიც რეგისტრაცია გაიარეთ საიტზე.

Express აპარატით სარგებლობისას საკომისიოს სახით იხდით ჩარიცხული თანხის 2%-ს, ხოლო TBC Pay და PayBox აპარატების შემთხვევაში — ფიქსირებულად 1 ლარს.

სანამ შეკვეთას განათავსებთ, საჭიროა რეგისტრირებული იყოთ საიტზე და პროფილის ბალანსზე გქონდეთ ღირებულების დასაფარად საკმარისი თანხა.

პირველ რიგში, უნდა შებრძანდეთ ინტერნეტ ბანკის კაბინეტში და გადახვიდეთ კომუნალური გადახდების განყოფილებაში, შემდეგ დაამატეთ ახალი გადახდა და „ამანათებისა და ფოსტის“ კატეგორიაში იპოვეთ ჩვენი კომპანია „EBayGeorgia“, ველში „შეიყვანეთ ID“ დააფიქსირეთ ტელეფონის ნომერი, რომლითაც დარეგისტრირებული ხართ ჩვენს საიტზე, და ჩარიცხეთ თანხის სასურველი ოდენობა.

ინტერნეტბანკის ტრანზაქციისას საკომისიო შეადგენს 2%-ს.

სანამ შეკვეთას განათავსებთ, საჭიროა რეგისტრირებული იყოთ საიტზე და პროფილის ბალანსზე გქონდეთ ღირებულების დასაფარად საკმარისი თანხა.

პირველ რიგში, ავტორიზაცია უნდა გაიაროთ საიტზე, რის შემდეგაც ზედა, მარჯვენა კუთხეში გამოჩნდება თქვენი სახელი, დააჭირეთ, შემდეგ კი გადადით ბალანსის გვერდზე. დააკლიკეთ „ბალანსის შევსებას“, მიუთითეთ თანხის თქვენთვის სასურველი ოდენობა და დააჭირეთ „შევსებას“.

საბანკო ტრანზაქციისას გადარიცხვის საკომისიო შეადგენს ჩარიცხული თანხის 2%-ს. ტრანზაქციის დასრულების შემდგომ, სურვილისამებრ შეგიძლიათ დაამახსოვრებინოთ საიტს თქვენი ბარათის მონაცემები, რომ შემდგომი გადმორიცხვისას აღარ დაგჭირდეთ ველების შევსება. ბარათის წაშლა შეგიძლიათ ნებისმიერ დროს.

სანამ შეკვეთას განათავსებთ, საჭიროა რეგისტრირებული იყოთ საიტზე და პროფილის ბალანსზე გქონდეთ ღირებულების დასაფარად საკმარისი თანხა.

ოპპას ელექტრონული საფულით სარგებლობისთვის საჭიროა შეხვიდეთ ოპპას საიტზე, შემდეგ გადახვიდეთ ამანათებში, შეიყვანოთ ტელეფონის ნომერი, რითაც რეგისტრირებული ხართ ჩვენს საიტზე, და მიუთითოთ ჩასარიცხი თანხა: https://www.oppa.ge/ka?referal=paybox

გადარიცხვის საკომისიო შეადგენს 1 ლარს. ერთჯერადად მაქსიმალური ჩასარიცხი თანხაა 1000 ლარი.

საიტის წესების თანახმად, ბალანსზე შეტანილი თანხის უკან გატანა შესაძლებელია მხოლოდ იმ შემთხვევაში, თუ საიტი ვერ გაგიწევთ სათანადო მომსახურებას, მაგ.: არ მოგეწოდებათ გამოწერილი ამანათი, გაგიუქმდებათ შეკვეთა ან მიიღებთ აღწერილობისგან განსხვავებულ ნივთს. ასეთ შემთხვევაში საიტის ჩათის საშუალებით მოგვწერთ თქვენი ანგარიშის ნომერს, რომელზეც თანხა 24 სამუშაო საათის განმავლობაში გადაირიცხება.

მას შემდეგ, რაც უკვე დარეგისტრირდებით საიტზე, ხოლო პროფილის ბალანსზე განათავსებთ ღირებულების დასაფარად საკმარის თანხას, უკვე შეძლებთ სასურველი ნივთის გამოწერას. ამისთვის უნდა შეხვიდეთ ნივთის გვერდზე, გაეცნოთ პროდუქციის აღწერილობას, აირჩიოთ თქვენთვის სასურველი სპეციფიკაცია (მაგ.: ფერი, ზომა, რაოდენობა) და დააჭიროთ „ყიდვას“.

კალათიდან პროდუქციის შეძენა მოსახერხებელია მაშინ, როცა რამდენიმე ნივთის შეძენა გსურთ — არ დაგჭირდებათ თითოეულის შეკვეთა ინდივიდუალურად დაადასტუროთ. შეგიძლიათ სასურველი ნივთები მოათავსოთ კალათაში, შემდეგ ზედა/მარჯვენა კუთხეში დააჭიროთ კალათას, აირჩიოთ თქვენთვის სასურველი მიღების მისამართი და დააჭიროთ „ყიდვას“, რა ღილაკითაც ერთდროულად ყველა ნივთს შეიძენთ, რომლებიც კალათაში გქონდათ მოთავსებული.

ყიდვის დადასტურებამდე საჭიროა რეგისტრირებული იყოთ საიტზე, ხოლო ბალანსზე განთავსებული გქონდეთ ნივთის ღირებულების დასაფარად საკმარისი თანხა.

სანამ შეკვეთას დაადასტურებდეთ, პირველ რიგში, უნდა დარწმუნდეთ, რომ მაღალრეიტინგული, სანდო გამყიდველისგან იძენთ პროდუქციას.

გამყიდველის რეიტინგს განაპირობებს მომხმარებელთა შეფასება და მითითებულია ნივთის გვერდზე — სანახავად უნდა დააჭიროთ „გამყიდველს“.

რეკომენდირებულია მხოლოდ იმ გამყიდველთან თანამშრომლობა, რომელიც შეფასებულია სულ ცოტა 50-ჯერ, ხოლო შეფასების მინიმუმ 90% არის დადებითი.

შეკვეთის დადასტურებამდე აუცილებელია დაკვირვებით გაეცნოთ ნივთის მონაცემებსა და მიწოდების ვადას და დარწმუნდეთ, რომ ზუსტად იმ პროდუქციას იძენთ, როგორიც გსურთ.

აკრძალულია შემდეგი ნივთების ტრანსპორტირება, შესაბამისად შეძენა:
• რეალური ფული, მონეტები ან ბანკნოტები
• საბანკო და საკრედიტო ბილეთები და სხვა ფასიანი ქაღალდები
• საკვები პროდუქცია
• ფეთქებადი ნივთიერებები ან პროდუქცია (სპრეი, პულვერიზატორი, დეზოდორანტი, სუნამო და მსგავსი შეფუთვა)
• მიწა და ნერგები მიწით
• ცოცხალი ცხოველები
• ნებისმიერი სახის ნარკოტიკი, ნარკოტიკული ნივთიერებების შემცველი პროდუქცია ან მცენარეები ან მათი თესლი, ე.წ. „ბიო“, არომატიზატორი
• ფსიქოტროპიული ნივთიერებები
• წამლები (10 შეკვრაზე მეტი)
• მცენარეები (1 კილოგრამზე მეტი)
• მცენარეების თესლები (25 გრამზე მეტი)
• არბალეტები, ისრები, მშვილდები

მას შემდეგ, რაც დადასტურდება თქვენი შეკვეთა, მისი გაუქმება შესაძლებელია მხოლოდ გამყიდველის თანხმობით. თქვენი მხრიდან მომართვის შემდეგ გაიგზავნება გაუქმების მოთხოვნა გამყიდველთან. 1 სამუშაო დღეში გვეცოდინება შეკვეთის სტატუსი, რასაც აუცილებლად შეგატყობინებთ ჩვენი ოპერატორი.

გამოწერილი ამანათის გატანას შეძლებთ საქართველოს მასშტაბით 40-ზე მეტი ფილიალიდან.

შეკვეთის განთავსებისას თქვენ ნახავთ ფანჯარას „გატანის მისამართი“, რისი საშუალებითაც აირჩევთ თქვენთვის სასურველ ფილიალს. ფილიალების სრული ჩამონათვალი: https://ebg.ge/branches

არჩეული ფილიალი ვერ შეიცვლება ყიდვის დადასტურების შემდგომ.

ამანათის მიწოდების ვადა ინდივიდუალურია, დაზუსტებული ინფორმაცია მითითებულია თითოეული ნივთის გვერდზე, სურათს დაბლა.

ამანათები პირველ რიგში თავს იყრის ამერიკაში, ჩვენს საწყობში, საიდანაც პირველივე სამშაბათის, ხუთშაბათის ან პარასკევის რეისით გამოიგზავნება და გამოგზავნიდან დაახლოებით 1 კვირაში განთავსდება თქვენს მიერ არჩეულ ფილიალში.

დიახ, შესაძლებელია. ამისთვის საჭირო იქნება მესამე პირმა ფილიალში წარადგინოს თქვენი პირადობის მოწმობა, ან გადამზიდ კომპანიას მეილის (info@inexgroup.ge) საშუალებით მიაწოდოთ ინფორმაცია იმის შესახებ, რომ თქვენს მაგივრად ამანათს გაიტანს სხვა პირი (მეილს თან უნდა დაურთოთ თქვენი პირადობის მოწმობის სურათი).

გამონაკლისი შემთხვევაა თუ:
1. ხართ არასრულწლოვანი — ნივთის გასატანად ფილიალში უნდა მივიდეს თქვენი მშობელი/კანონიერი წარმომადგენელი და წარადგინოს საკუთარი პირადობის მოწმობა და თქვენი დაბადების მოწმობა;
2. გამოიწერეთ განსაბაჟებელი პროდუქცია — მესამე პირს, რომელიც თქვენს ამანათს მიაკითხავს, უნდა ჰქონდეს შესაბამისი მინდობილობა;
3. გამომწერი არის იურიდიული პირი — ასეთ შემთხვევაში ამანათს გაიტანს კომპანიის დირექტორი ან ნებისმიერი სხვა პირი, რომელიც შესაბამის მინდობილობას წარადგენს ფილიალში.

თქვენი ამანათი ფილიალში დაყოვნდება მაქსიმუმ 2 თვის განმავლობაში. თუ უფრო ხანგრძლივი ვადით გსურთ შენახვა, უნდა დაგვიკავშირდეთ ცხელ ხაზზე.

ვადის გადაცილებიდან 10 დღის განმავლობაში უნდა მოგვმართოთ. ჩვენი ტექნიკური ჯგუფი ინფორმაციის გადამოწმების მიზნით დაუკავშირდება გამყიდველს და თუ იბიჯის მიერ განსაზღვრულ დამატებით ვადაში არ გამოიგზავნება ამანათი, ავტომატურად გაუქმდება შეკვეთა და საიტის ბალანსზე დაგიბრუნდებათ ნივთის ღირებულება.

ამანათის ადგილმდებარეობისა და სტატუსის კონტროლი შესაძლებელია პროფილის საშუალებით — ამანათების განყოფილებაში აისახება ნივთის სტატუსი: მიიღო ამერიკის საწყობმა, გამოგზავნილია თუ უკვე განთავსდა თქვენს მიერ არჩეულ ფილიალში.

ინფორმაცია აგრეთვე მოგეწოდებათ შეტყობინების სახით რეგისტრირებულ ნომერზე და მეილზე.

იბიჯის პროდუქციის შეძენისას თქვენ ფარავთ ნივთის ღირებულებას, რასაც შემდგომში დაემატება ტრანსპორტირების საფასური. ტრანსპორტირების საფასურის დაანგარიშება ხდება ნივთის წონის პროპორციულად: 100 გრ = 0.8$ ექვივალენტი ლარში. ნივთის ზუსტი წონა, შესაბამისად ტრანსპორტირების ზუსტი საფასური, გვეცოდინება მას შემდეგ, რაც ამანათი მიეწოდება ამერიკის საწყობს.

მას შემდეგ, რაც ნივთი აიწონება ამერიკის საწყობში, ტრანსპორტირების საფასური შეგიძლიათ დაფაროთ ამანათის გატანამდე ნებისმიერ დროს.

ტრანსპორტირების საფასურს გადაიხდით პროფილის ბალანსიდან.

თუ ჩართული გაქვთ ავტომატურად გადახდის რეჟიმი, ბალანსზე საკმარისი თანხის განთავსების შემთხვევაში ტრანსპორტირების საფასური ავტომატურად ჩამოგეჭრებათ; ხოლო თუ რეჟიმი გააქტიურებული არ გაქვთ, ექაუნთიდან უნდა გადაბრძანდეთ „ბალანსში“, შემდგომ „დავალიანებაში“, მონიშნოთ ამანათები, რომელთა ტრანსპორტირების საფასურის დაფარვაც გსურთ, და დააჭიროთ გადახდას.

ტრანსპორტირების საფასურის დაფარვა შეგიძლიათ ნივთის ჩამოსვლის შემდგომაც, ფილიალიდან გატანამდე ნებისმიერ დროს.

ტრანსპორტირების საფასური დაანგარიშდება ნივთის ამერიკის საწყობში აწონვისას. თუ მისი ოდენობა ეჭვს იწვევს, წინასწარ ნუ გადაიხდით ჩამოტანის ღირებულებას. ნივთის ჩამოსვლის შემდგომ შეგიძლიათ მიაკითხოთ ამანათს ფილიალში, ადგილზე ააწონინოთ ნივთი და თუ აღმოჩნდება, რომ რეალური წონა განსხვავდება საიტზე ასახული ინფორმაციისგან, ჩვენი ტექნიკური ჯგუფი დააკორექტირებს ტრანსპორტირების საფასურს.

განბაჟებას ამანათი გამონაკლის შემთხვევებში ექვემდებარება, მაგ. როდესაც ერთ რეისზე ერთი პიროვნების სახელზე 300 ლარზე მეტი ღირებულების, 30 კგ-ზე მეტი წონის და 4-ზე მეტი ერთგვაროვანი ამანათი/ამანათები გამოიგზავნება.

საბაჟო გადასახადი შეადგენს პროდუქციის ღირებულებისა და ტრანსპორტირების საფასურის ჯამის 18%-ს.

ნივთის გატანისას გადამზიდი კომპანიის ფილიალში მოგაწვდიან დეკლარაციას, რომლის მიხედვითაც გადარიცხავთ თანხას სახელმწიფო ხაზინაში ამანათის ჩამოსვლიდან 1 თვის განმავლობაში.

საგანვადებო განაცხადს უშუალოდ ნივთის გვერდიდან შეავსებთ, რა დროსაც საგანვადებო პერიოდს გადაანაწილებთ 3-იდან 24 თვემდე. დამტკიცების შემთხვევაში განვადების გასააქტიურებლად საჭირო იქნება მიბრძანდეთ თიბისი ბანკის ნებისმიერ ფილიალში და ხელი მოაწეროთ ხელშეკრულებას, რის შემდეგაც ბალანსზე დაგერიცხებათ საგანვადებო თანხა და შეძლებთ დაადასტუროთ შეკვეთა.

პირველ რიგში, უნდა შეხვიდეთ სასურველი ნივთის გვერდზე, დააჭიროთ სფეის ბანკის ლოგოს, რის შემდეგაც გადახვალთ ახალ თაბზე. მოცემულ გრაფაში შეგყავთ მობილურის ნომერი, სადაც მიიღებთ სფეისის აპლიკაციის გადმოსაწერ ბმულს; აპლიკაციის მეშვეობით დაასკანერებთ QR კოდს, რის შემდეგაც გადახვალთ საგანვადებო განაცხადის შესავსებ გვერდზე. განაცხადის შევსების დასრულებისთანავე გეცნობებათ, დაგიმტკიცდათ თუ არა სესხი.

30-წამიანი ვიდეო ინსტრუქცია: https://www.youtube.com/watch?v=XDfRmKclFlY

იმისათვის, რომ ისარგებლოთ განვადებით, უნდა იყოთ სრულწლოვანი, უნდა გქონდეთ კარგი საკრედიტო ისტორია, ხოლო თქვენს მიერ არჩეული ნივთის ღირებულება უნდა აჭარბებდეს 100 ლარს.

ასევე შეგიძლიათ რამდენიმე ნივთი მოათავსოთ კალათაში და თუ მათი ჯამური ღირებულება გადააჭარბებს 100 ლარს, ისარგებლოთ საერთო განვადებით.

განვადების გაუქმება შესაძლებელია ხელშეკრულებაზე ხელმოწერიდან 1 თვის განმავლობაში, პირველადი შენატანის განხორციელებამდე.

იმისათვის, რომ დაზარალებული არ დარჩეთ, საჭიროა დროულად შეგვატყობინოთ პრობლემის შესახებ.

ამანათის ჩამოსვლის პერიოდის შესახებ ინფორმაცია მითითებულია თქვენს პროფილზე, ამანათების განყოფილებაში. იმ შემთხვევაში, თუ მიწოდების ვადა უშედეგოდ გავა, უნდა მოგვმართოთ ვადის გადაცილებიდან 10 დღის განმავლობაში. ჩვენი ტექნიკური ჯგუფი დაუკავშირდება გამყიდველსა და გადამზიდ კომპანიას, ხოლო თუ დამატებით დანიშნულ გონივრულ ვადაში არ მოგეწოდებათ შენაძენი, დაგიბრუნდებათ მისი ღირებულება.

თუ ამანათს არ მიიღებთ იმ მდგომარეობით, სპეციფიკაციითა და რაოდენობით, რაც აღწერილობაში იყო მითითებული, აუცილებლად უნდა დაგვიკავშირდეთ ნივთის მიღებიდან 10 დღის განმავლობაში და გამოგვიგზავნოთ დამადასტურებელი ფოტო ან ვიდეო მასალა.

ჩვენი ტექნიკური ჯგუფის აგენტი თქვენი სახელით დაუკავშირდება გამყიდველს და დაგეხმარებათ პრობლემის მოგვარებაში.

იბიჯის გამოსაწერ პროდუქციაზე გამყიდველის საერთაშორისო გარანტია არ ვრცელდება.

პრობლემის მოგვარება ინდივიდუალურია, თუმცა არსებობს რამდენიმე მკვეთრად გამოკვეთილი მოგვარების გზა:

პირველი — გამყიდველმა დააბრუნოს დაზიანებული/აღწერისგან განსხვავებული ნივთის ღირებულება;
მეორე — მოითხოვოს უკან გაგზავნა და სანაცვლოდ ღირებულების დაბრუნება;
მესამე — გამოაგზავნოს დაბრუნების უფასო დოკუმენტი (Return label) და გაგზავნის შემდეგ დაუბრუნოს ღირებულება;
მეოთხე — შემოგთავაზოთ კომპენსაცია, ღირებულების გარკვეული ნაწილის დაბრუნება, პრობლემის შესაბამისად.