EBG-ის ნივთების კატალოგი ინტეგრირებულია eBay.com-ის სისტემასთან და მოიცავს ნებისმიერ შეთავაზებას, რომელსაც eBay-ზე ნახავთ. არსებობს ნივთის შეძენის ორი გზა: პირდაპირი შესყიდვა (Buy It Now) და აუქციონი.
აუქციონში მონაწილეობის მისაღებად საჭიროა EBG-ის ბალანსზე გქონდეთ საგარანტიო თანხა (ნივთის ღირებულების 40%).
ბიდის სახით მიუთითეთ თანხის ის მაქსიმალური ოდენობა, რომლის გადახდისთვისაც მზად ხართ. სისტემა დაიმახსოვრებს თქვენს თანხას და მის ფარგლებში შესაძლო მინიმუმებს ბიდებად განათავსებს აუქციონზე.
გაითვალისწინეთ, რომ ბიდების დადება რეკომენდებულია აუქციონის დამთავრებამდე მინიმუმ ერთი წუთით ადრე. ბოლო წუთის განმავლობაში დადებული ბიდი შესაძლოა არ აისახოს სისტემაში.
სისტემა თქვენს მიერ მითითებული თანხის ფარგლებში დადებს შესაძლო მინიმუმ ბიდს აუქციონის დამთავრებამდე რამდენიმე წამით ადრე (დაახლოებით 5 წმ). ეს თქვენ გაძლევთ უპირატესობას, რადგან სხვა მომხმარებლებს რჩებათ მცირე დრო ბოლო წამებზე განთავსებულ თქვენს ბიდზე საპასუხოდ.
მაგალითად: თუ მიმდინარე შეთავაზება ნივთისათვის არის $100 და თქვენ მზად ხართ მაქსიმუმ $200 გადაიხადოთ, მიუთითეთ აღნიშნული თანხა როგორც თქვენი მაქსიმალური ბიდი. სისტემა $200-ის ფარგლებში შესაძლო მინიმუმს დადებს ბიდად თქვენს ნაცვლად. თუ ბიჯი არის $5, სისტემა პირველ რიგში თქვენ შეთავაზებად მიუთითებს $105-ს. თუ ეს თანხა იქნება მაქსიმალური, თქვენ $105-ად მოიგებთ ნივთს და დარჩენილი $95 ბალანსზე დაგიბრუნდებათ. ხოლო თუ სხვა მყიდველი მიუთითებს $105-ზე მეტს, სისტემა შეთავაზებას გაზრდის კიდევ $5-ით. თუ სხვა მყიდველის შეთავაზება გადააჭარბებს $200-ს, თქვენ ავტომატურად გამოეთიშებით აუქციონიდან.
შენიშვნა: სურვილის შემთხვევაში, თქვენ კვლავ გაქვთ შანსი, რომ გაზარდოთ შეთავაზება და ისევ გააგრძელოთ აუქციონში მონაწილეობა.
მიმდინარე, მოგებული ან წაგებული აუქციონების სანახავად გადადით მომხმარებლის მენიუდან „აუქციონი“-ს გვერდზე.
თუ თქვენ მოიგებთ აუქციონს, 24 საათის განმავლობაში უნდა გადაიხადოთ მოგებული ნივთის ღირებულება. წინააღმდეგ შემთხვევაში ავტომატურად დაკარგავთ საგარანტიო თანხას. ხოლო თუ წააგებთ, საგარანტიო თანხა დაგიბრუნდებათ ბალანსზე.